Կոմպոզիտոր, ջազմեն Մարտին Վարդազարյանը, պարզվում է, հարցի շուրջ բոլորովին այլ տեսակետ ունի։ «Դուք տեսնում եք, չէ՞, թե Արմենչիկի համերգներին որքան շատ մարդ է գնում, ճիշտ է՝ ես չեմ գնում, բայց երբեմն հետեւում եմ հեռուստատեսությամբ, ուրեմն նա վայելում է ժողովրդի սերը»,- բացատրեց նա։
Դիտարկմանը, որ նախագահի հրամանագրով է շնորհվում վաստակավորի կոչումը, ջազմենը հակադարձեց։
– Նախագահը կատարում է ժողովրդի ցանկությունը, այդպես չի ստացվո՞ւմ։ Ուրեմն, ինչպես ասում են, ինչ արվեստ որ սիրում ես, այդ արվեստին էլ արժանի ես։ Այդպես ստացվե՞ց, ստացվեց։
– Արդյո՞ք նախագահը պետք է խրախուսի Արմենչիկի եւ նմանատիպ այլ երգիչների գործունեությունը։
Կարդացեք նաև
– Ես ռաբիսի ամենահետեւողական հակառակորդների թվում եմ, բայց եթե կա ժողովրդի սերը եւ ցանկությունը… Հիմա եթե այդ կոչումը չտային, ժողովուրդը դուրս կգար փողոց, կասեր՝ Արմենչիկին կոչում տվեք, չէ՞։
– Դուք իրապես կարծում եք, որ կարող էր նման բան լինե՞լ։
– Չարենցը «Ամբոխները խելագարված»-ը չի գրե՞լ։
– Բայց ինչ կապ ունեն Չարենցի «Ամբոխները խելագարված»-ն ու Արմենչիկը, չեմ կարծում, թե նման ստվար զանգված հավաքվեր Արմենչիկին կոչում շնորհելու պահանջով։
– Ես իմ տարիքն առած, սխալներս արած մարդ եմ, Ձեզ խնդրում եմ՝ ինձ էլ հարցեր մի՛ տվեք:
Աննա ԲԱԲԱՋԱՆՅԱՆ
Հոդվածն ամբողջությամբ կարող եք կարդալ «Ժողովուրդ» թերթի այսօրվա համարում
