Վահագն Հարությունյանը Սերժ Սարգսյանի կողմից պարգեւատրվել է Մարտի 1-ը կոծկելու համար, իսկ Վալերի Օսիպյանը՝ մարդկանց ջարդել- փշրելու։ Այս կարծիքին է 2008 թվականի մարտի 1-ի զոհերից Գոռ Քլոյանի մայրը՝ Ազատուհի Քլոյանը։
Նրան վրդովեցրել է հատկապես Մարտի 1-ի գործով նախկին քննչական խմբի ղեկավար, ներկայումս Քննչական կոմիտեի նախագահի տեղակալ Վահագն Հարությունյանին անկախության օրվա առիթով արդարադատության գեներալ-մայորի կոչում շնորհելը, սակայն չի զարմացրել։
«Վահագն Հարությունյանին արդեն պարգեւատրել էր Սերժ Սարգսյանը, երբ պաշտոնը բարձրացրել էր։ Ինչի՞ մասին է խոսքը։ Հո Գոռ Քլոյանին պարգեւ չէ՞ր տալու, պետք է Վահագն Հարությունյանին տար, որ Մարտի 1-ը կոծկեց։ Գոռ Քլոյանը զոհվեց Հայաստանի անկախության համար, լավ Հայաստան կառուցելու համար, նրան քաղաքի կենտրոնում գնդակահարեցին, Վահագն Հարությունյանն էլ կոծկեց, դրա համար պաշտոն են տվել։ Հիմա ինչ պարգեւ էլ տան՝ զարմանալի չի»,- նկատեց տիկին Ազատուհին։
Մարտի 1-ի գործի վերաբերյալ Գոռ Քլոյանի մայրը նշեց, որ ինչպես Վահագն Հարությունյանի, այնպես էլ ներկայիս քննիչի օրոք որեւէ առաջընթաց չկա գործի բացահայտման մեջ, թեեւ ՀՀ գլխավոր դատախազ Գեւորգ Կոստանյանը խոստացել էր, որ սայլը տեղից շարժվելու է։
Կարդացեք նաև
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
