Թուրքիայի կողմից Հայոց ցեղասպանության ճանաչումը այդ երկրի ժողովրդավարացման գործընթացի կարեւոր մասն է, հայտարարել է ամերիկահայ հայտնի պատմաբան, Չիկագոյի համալսարանի դասախոս Ռոն Սունին՝ ելույթ ունենալով Ջորջ Վաշինգտոնի անվան համալսարանում կազմակերպված «Հայոց ցեղասպանության պատմությունն ու քաղաքականությունը՝ 100 տարի անց» քննարկման ընթացքում:
Մեջբերելով պոլսահայ մտավորական եւ լրագրող Հրանտ Դինքի խոսքերը՝ Սունին նշեց, որ սկզբից անհրաժեշտ է Թուրքիայում ժողովրդավարություն հաստատել, այնուհետեւ՝ պահանջել ճանաչել Հայոց ցեղասպանությունը: Այդ նպատակին հասնելու համար հայերի, քրդերի եւ թուրք լիբերալ հասարակության շահերը լիովին համընկնում են, համոզված է պատմաբանը: Այսպիսով, այդ խմբերի համար Ցեղասպանության ճանաչման խնդիրը լուծված է.
«Քրդերը ճանաչել են Հայոց ցեղասպանությունը եւ ի դեպ քուրդ քաղաքապետերը հայ զոհերի պատվին փողոցներ են անվանակոչել, վերականգնել հայկական հուշարձաններ ու եկեղեցիներ»:
Նյութի մանրամասները կարդացեք «Ամերիկայի Ձայն»-ի կայքում
