«Հայազն» կուսակցության վարչության անդամ Արմեն Աղայանը տեղեկացել է, որ օրեր առաջ տասնյակ երիտասարդներ ՀՀԿ-ի տոմս են ստացել:
Նա այսօր «Ինքնիշխան Հայաստան» բողոքի երթի ժամանակ ՀՀԿ գրասենյակի շենքի դիմաց կանխատեսումներ արեց. « Քսանհինգ տարի առաջ կոմկուսն ուներ չորս անգամ ավելի շատ անդամ, թե ինչ կատարվեց մեկ տարի հետո, բոլորս գիտենք: Նույնը վաղ թե ուշ, ենթադրում եմ՝ շատ շուտ, կատարվելու է ՀՀԿ-ի հետ: Այն բոլոր երիտասարդները, որոնք կարիերիստական նկատառումներով եկել են ՀՀԿ՝ որպես տաքուկ տեղ, պաշտոն ստանալու, երկարատեւ պաշտոնավարելու ակնկալիքով, հեշտությամբ այդ տոմսերը թափելու են մոտակա աղբարկղում»:
Պարոն Աղայանը հիշեց նաեւ ՀՀԿ-ի պատմությունը՝ պատմելով ՀՀԿ-ՀՀՇ գործարքների մասին, «Հայստանում միանձնյա իշխող քաղաքական կառույցը՝ ՀՀԿ-ն, ժամանակին ՀՀՇ-ն էր, բայց մի քամու փչելով՝ վազեցին, դարձան հանրապետական մի գիշերվա մեջ: Այս կուսակցության տերերը անկախության քսանհինգ տարիների ընթացքում բազմիցս վաճառեցին իրենց կուսակցությունը: ՀՀԿ-ն, որը հիմնված էր անկախության բանակի վրա, լուրջ ազատամարտիկներ ուներ իր շարքերում, հանկարծ որոշեց միանալ Լեւոն Տեր- Պետրոսյանի եւ ՀՀՇ-ի գլխավորած աջ ուժերի դաշինքին, դրա առաջին դրսեւորումը Հրազդան մարզադաշտի նվիրաբերումն էր ՀՀԿ-ական որոշ օլիգարխներին եւ մի քանի պաշտոն խորհրդարանում ու կառավարությունոմ»:
Կարդացեք նաև
Մանրամասները՝ տեսանյութում:
Արփինե ՍԻՄՈՆՅԱՆ
