Այսօր՝ Անկախության օրվա առիթով, «Ինքնիշխան Հայաստան» կարգախոսով բողոքի երթի ժամանակ մասնակիցներից ոմանք նաեւ ելույթներ ունեցան ՀՀԿ գրասենյակի շենքի առջեւ:
«Այստեղ եկել ենք, որպեսզի եւս մեկ անգամ հանրությանը ցույց տանք իրական թշնամուն բոլոր այն արժեքների, որոնց դավանում ենք՝ ազատություն, ինքնիշխանություն, ազգի, անհատի արժանապատվություն, տարածքային ամբողջականություն եւ այլն : Այստեղ ենք, որովհետեւ այս շենքի պարունակությունը (ցույց է տալիս ՀՀԿ գրասենյակը) որոշել է, որ օլիգարխիայի գործիքից պետք է դառնան իշխանություն բանեցնող, գործարկող, այնպիսի մեխանիզմ ստեղծեն սահմանադրական բարեփոխումների միջոցով, որ կարողանան տասնամյակներով մեզ կառավարել ինչպես ուզում են, տնօրինեն մեր երեխաների ապագան, մեր սեփականությունը, մեր երկրի ինքնիշխանությունն ու պաշարները: Մենք ասում ենք՝ չեք կարող, քացախ ձեր ախորժակին: Մենք քաղաքական թշնամիներ ենք, բայց չենք եկել այստեղ ատելություն սերմանելու: Այն մարդիկ, որոնք իրավաբանորեն պետք է հետապնդվեն, բոլորը միասին տեղավորվում են այս շենքի նիստերի դահլիճում՝ հարյուրից երկու հարյուր հոգի: Այդ հարյուր-երկու հարյուր հոգու սեւը գալու է, նրանց՝ սեւը, մեր սպիտակը, մեր ուրախությունը, մեր հաղթանակը գալու է»,- ասաց «Հայազն» կուսակցության անդամ Արմեն Հովհաննիսյանը:
Արփինե ՍԻՄՈՆՅԱՆ
Կարդացեք նաև
