Ծեծի ենթարկված Սմբատ Հակոբյանի մոտ առկա են մի շարք վնասվածքներ
«Ազատամարտիկների դաշինք»-ի անդամ Սմբատ Հակոբյանի առողջական վիճակը միջին ծանրության է, գիտակցությունն առկա է: Այս մասին Aravot.am-ին ասաց «Սուրբ Գրիգոր Լուսավորիչ» հիվանդանոցի վերակենդանացման բաժանմունքի ավագ բժիշկ Վարդան Հարությունյանը:
Նրա խոսքերով՝ Հակոբյանի մոտ կան քթի եւ դեմքի փափուկ հյուսվածքների սալջարդեր, ռենտգեն հետազոտությամբ պարզվել է, որ քթի ոսկորի կոտրվածք կա, կա նաեւ կրծքավանդակի փակ վնասվածք, աջից 8-րդ կողի կոտրվածք, եզրային պնեւմոթորաքս:
Հիշեցնենք, որ այսօր «Հայազն» կուսակցության կազմակերպած ինքնիշխանության երթի ավարտին, երբ մասնակիցները տարբեր ուղղությամբ էին շարժվում, մի խումբ հաղթանդամ տղամարդիկ Սմբատ Հակոբյանին հետապնդել են, ապա նրան մտցրել շինհրապարակ, որտեղ էլ ծեծի են ենթարկել:
Կարդացեք նաև
Մեր այն հարցերին՝ արդյոք Հակոբյանը վիրահատության կարի՞ք ունի, եւ այսօր դուրս կգրվի՞ հիվանդանոցից, բժիշկն ասաց, որՍմբատ Հակոբյանն այսօր անպայման կմնա հիվանդանոցում, նա վերակենդանացման բաժանմունքում է: Ըստ բժիշկ Հարությունյանի, Հակոբյանի գլխին 6 կար են դրել: Ինչ վերաբերում է նրան, թե՝ վիրահատության կարիք կա՞, թե՝ ոչ, ապա ըստ բժշկի, առայժմ պարզ չէ, քթի այտուցն իջնելուց հետո, նոր պարզ կլինի:
Նելլի ԲԱԲԱՅԱՆ
ԿԳԲ-ից «անկախ» Հայաստան:
Դավաճանները «Բաքվում են»: