Անկախության տոնին Եռաբլուր էր այցելել ԱԺ պատգամավոր Սամվել Ալեքսանյանը:
Aravot.am-ը նրանից հետաքրքրվեց՝ ճի՞շտ է, որ Մալաթիա բուժկենտրոնի տանիքին ուղղաթիռի կայանատեղի եք պատրաստում: Նա պատասխանեց՝ «Այո, ավարիաներ ա լինում, շտապ դեպքեր ա լինում, բա ոնց»:
Մենք հետաքրքրվեցինք, թե ինչների՞ն է պետք է ուղղաթիռի կայանատեղին: Պատգամավորը բացատրեց. «Ազիզ ջան, ասենք թե Գորիսում մի հատ ավարիա եղավ, մի բան եղավ շտապ, ո՞նց են անելու: Դա աշխարհում ընդունված ա, լիքը տեղեր կան, չէ՞, որ գործում ա»:
Իսկ թե ինչու են այն կառուցել հենց Մալաթիա հիվանդանոցի տանիքին՝ Սամվել Ալեքսանյանը պատասխանեց. «Հիմա ես էդ հարցին ո՞նց պատասխանեմ: Հիվանդանոցում որ ուզենան մարդուն փրկեն, շտապ բան լինի, դրա համար է»:
Կարդացեք նաև
Մեր դիտարկմանը, որ փաստորեն այդ ուղղաթիռը հիվանդներին ծառայելու համար է, ոչ թե երկրից, ասենք, շտապ փախչելու՝ Սամվել Ալեքսանյանը ծիծաղեց. «Չէ՜ հիվանդների համար ա պետք էտի»:
Նա ասաց, որ մյուս տարի արդեն այն պատրաստ կլինի:
Իսկ թե ուղղաթիռ որտեղի՞ց պիտի ձեռք բերի՝ Սամվել Ալեքսանյանը պատասխանեց, որ հնարավորություններ չունի, կինն էլ միջոցներ չունի, մեկը խոստացել է նվիրել:
Մենք հիշեցրինք, որ Սամվել Ալեքսանյանը խոստացել էր, որ Մալաթիա մուտքը վիզայով է անելու ու իր խոսքին տեր չի կանգնել: Նա վստահեցրեց. «Էդ էլ ենք անելու, հեսա մի քանի հատ գործեր կա՝ պրծնենք, կանենք»:
Հռիփսիմե ՋԵԲԵՋՅԱՆ
