Թերեւս քչերն են հիմա հիշում, որ ՀՀ նախագահին առընթեր սահմանադրական
բարեփոխումների մասնագիտական հանձնաժողովի անդամ, Սահմանադրության փոփոխությունների նախագիծը հանրաքվեի դնելուն համաձայնություն տալու մասին Ազգային ժողովի որոշման նախագծի հիմնական զեկուցող Վարդան Պողոսյանը ժամանակին ԱԺՄ կուսակցության անդամ էր, իսկ հետո Շավարշ Քոչարյանի հետ միասին դուրս գալով այդ կուսակցությունից՝ դարձավ ԱԺԿ անդամ:
Եվ այդ ամբողջ ընթացքում նա միշտ եղել է խորհրդարանական կառավարման կողմնակից: Ի դեպ, մեր ունեցած տեղեկություններով՝ նա նաեւ միշտ մերժել է պաշտոնների նշանակվելու առաջարկները:
Երեկ գումարված արտահերթ նիստի ընթացքում Վարդան Պողոսյանի հասցեին բազմաթիվ դրվատանքի խոսքեր հնչեցին՝ թե համբերատարությամբ հարցերին պատասխանելու, թե սադրանքներին չտրվելու եւ անգամ նման բարձր մակարդակի սահմանադրագետ լինելու համար:
ԱՆՆԱ ԻՍՐԱՅԵԼՅԱՆ
Կարդացեք նաև
«Առավոտ» օրաթերթ
19.09..2015
