Շատ ընդդիմադիրներ ժամանակին խոսում էին Սերժ Սարգսյանի եւ նրա ընտանիքի գործած անօրինականությունների մասին, մեղադրում էին նրան կազինոներում բյուջեի գումարները մսխելու եւ համանման բաների մեջ: Այսօր նրանք տարբեր ձեւերով Սերժ Սարգսյանի կողքին են: Այժմ էլ խորհրդարանում որոշ ընդդիմադիրների մոտ նկատելի է նույն տոնայնությունը` «Առավոտի» դիտարկմանը ՀՀԿ խմբակցության ղեկավար Վահրամ Բաղդասարյանը հակադարձեց. «Նման պրովոկացիոն, հռետորական հարցերին պատասխաններ չեմ տալիս»:
Համենայնդեպս, նկատեց, որ ընդդիմադիրները պարզապես ականջահաճո հայտարարություններ են անում, որպեսզի գրավիչ դառնան: Նա նաեւ հավելեց, որ ընդդիմադիր գործիչները հաճախ հակասում են իրենք իրենց: «Նիկոլն ասաց, որ ինքը չի միանա «ոչ»-ին, բայց հանրությանը կոչ արեց «ոչ» ասել բարեփոխումներին՝ ինքնըստինքյան միանալով այդ ճակատին: Արամ Մանուկյանը, Լեւոն Զուրաբյանը ասում էին՝ որեւէ քննարկման չենք մասնակցելու, բայց ուղիղ եթեր էին ուզում, որպեսզի նկարահանվեն, եւ բուռն քննարկման մեջ են մտնում: Իրենք հասկացան, որ քննարկման չմասնակցելով՝ քաղաքական դաշտից դուրս են մնում: Բայց ուշ հասկացան»:
«Առավոտ» օրաթերթ
19.09..2015
