«Մենք պատասխանատու չենք մեր հարեւանների տարածքում իրականացվող տարբեր տիպի ռազմական եւ ոստիկանական խնդիրների համար: Դուք գիտեք պատճառը որն է, դա ներքին բախումներն են, Թուրքիայի համապատասխան կառույցների եւ քրդերի հետ»,- Հայաստանի պետական տնտեսագիտական համալսարանում լրագրողների հետ հանդիպմանն անդրադառնալով հայ-թուրքական սահմանին վերջերս տեղի ունեցած պայթյունին՝ ասաց ՀՀ պաշտպանության նախարար Սեյրան Օհանյանը:
Հիշեցնենք, որ սեպտեմբերի 8-ին Թուրքիայի Հայաստանի հետ սահմանին մոտ գտնվող Իգդիր նահանգում ռումբի պայթյունի արդյունքում 12 թուրք ոստիկան է զոհվել:
Խոսելով անվտանգության խնդիրների մասին, Սեյրան Օհանյանը նշեց, որ հայ սահմանապահները, ինչպես նաեւ Ռուսաստանի Դաշնության սահմանապահ զորքերը, ապահովում են սահմանային անվտանգությունը: «Իսկ մեր Զինված ուժերը պատրաստ են ցանկացած պահի դուրս գալ սահման՝ անվտանգությունն ապահովելու համար»:
Աշոտ ԻՍՐԱԵԼՅԱՆ
Կարդացեք նաև
