Ադրբեջանից քաղաքական ապաստան խնդրած «Ներազգային ազատագրական շարժում» նախաձեռնության ղեկավար, ակտիվիստ Վահան Մարտիրոսյանն այսօր Ադրբեջանում մամուլի ասուլիսով է հանդես եկել:
Interfax.az-ի փոխանցմամբ՝ նա դեռ չի կողմնորոշվել, թե Ադրբեջանում ինչ կարգավիճակով է մնալու: «Ամենայն հավանականությամբ՝ քաղաքական ապաստան կունենամ, բայց դեռ վաղ է խոսել, թե ինչքան ժամանակ կապրեմ այստեղ, երրորդ երկիր կգնամ, թե կմնամ այստեղ»:
Նա նաեւ դիմել է միջազգային կառույցներին եւ խնդրել է, որ վերջիններս ապահովեն Երեւանում մնացած իր մոր եւ մորաքրոջ անվտանգությունը: Մամուլի ասուլիսի ընթացքում Վահան Մարտիրոսյանն ասել է, որ Ադրբեջանում իր եւ իր ընտանիքի համար լավ պայմաններ են ապահովել. «Առաջին պահից, երբ ես մտա այս երկիր, իմ, իմ կնոջ եւ երեխայիս նկատմամբ բարձր մակարդակով վերաբերմունք ցույց տվեցին»:
Ըստ Moscow-baku.ru-ի՝ անդրադառնալով Լեռնային Ղարաբաղի հակամարտությանը, Վահան Մարտիրոսյանը ասել է, թե Հայաստանում ոչ ոք չի ուզում պատերազմի վերսկսում: «Դա ամենամեծ ողբերգությունը կլինի մեր երկու ազգերի համար»:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
Սթափվեք՝ այ «իշխանիկներ» ….