Այն բանից հետո, երբ Ռուբեն Հակոբյանը սեպտեմբերի 17-ին հայտարարեց. «Դադարեցնում եմ անդամակցությունս «Ժառանգություն» կուսակցությանը, ինչպես նաև վայր դնում խմբակցության ղեկավարի լիազորությունները»՝ ուշագրավ պատկեր է ձեւավորվում «Ժառանգություն» խմբակցությունում:
4 հոգանոց խմբակցությունում այժմ փաստորեն միայն մեկն է «Ժառանգություն» կուսակցության անդամ՝ Զարուհի Փոստանջյանը, որն էլ, ըստ ամենայնի, կգլխավորի խմբակցությունը:
Սակայն խմբակցության մեջ այլեւս չկա «Ժառանգություն» կուսակցության եւ ոչ մի անդամ:
Խմբակցության քարտուղար Թեւան Պողոսյանն անկուսակցական է, եւ Զարուհի Փոստանջյանը նրան էլ էր ավելի վաղ անվանել «հաճախորդ»՝ ՀՀ նախագահի ներկայացուցիչ սահմանադրագետների հետ Ռուբեն Հակոբյանի հետ միասին հանդիպելու համար: Ի դեպ, վերջինս նրա այդ գնահատականին արձագանքել էր այսպես. «Դա խոսում է իր դաստիարակության մասին»:
Կարդացեք նաև
Իսկ խմբակցության անդամ Ալեքսանդր Արզումանյանը, թեեւ ԱԺ պաշտոնական կայքում շարունակում է նշվել իբրեւ «Ազատ դեմոկրատներ» կուսակցության ներկայացուցիչ՝ շատ վաղուց վերադարձել է Հայոց Համազգային շարժում:
Նա դուրս չի գալիս խմբակցությունից, այլապես ստիպված կլիներ հրաժարվել մանդատից: Թերեւս նույն պատճառով խմբակցությունից դուրս գալու հայտարարություն չի արել նաեւ Ռուբեն Հակոբյանը:
Ինչեւէ, նման կազմով, ըստ ամենայնի, այլեւս չեն գումարվի «Ժառանգություն» խմբակցության նիստեր:
