Ազատության հրապարակում ԱԻՄ-ի նախաձեռնած մինի հանրահավաքի ժամանակ, կուսակցության անդամներից մեկը՝ տիկին Մանյան, ներկայացրեց կուսակցության հայտարարությունը` ուղղված նախագահ Սերժ Սարգսյանին: Այն ավելի ուշ փոխանցվեց նաեւ նախագահական նստավայրին:
Հայտարարության մեջ կար կուսակցականների դժգոհությունը, որ սահմանադրական բարեփոխումների հանձնաժողովի հետ ԱԻՄ-ի հանդիպումն այդպես էլ տեղի չունեցավ ու չքննարկվեց ԱԻՄ-ի ներկայացրած այլընտրանքային նախագիծը: Նրանք Սերժ Սարգսյանին էին մեղադրում հանդիպման չկայանալու մեջ՝ դժգոհելով, որ հենց նրա կարգադրությամբ հանդիպումը տեղի չունեցավ:
«Սահմանադրական փոփոխությունների հանձնաժողովը չկատարեց իր սահմանադրական պարտավորությունը: Որտե՞ղ է տեսնված, որ պետական հանձնաժողովն իր իսկ կազմակերպած հանդիպումից խուսափի՝ փախչելով իր կենտրոնակայանից»,- դժգոհում էին ԱԻՄ-ականներն իրենց հայտարարության մեջ՝ պնդելով, որ այդպես են վարվում ստրուկներն իրենց տիրոջ հրահանգը ամեն գնով կատարելու համար:
Սերժ Սարգսյանին ուղղված նամակ-հայտարարությունում նրանք նաեւ հայտնել էին, որ նրա նախաձեռնած սահմանադրական փոփոխությունները ոչ թե բարեփոխում, այլ չարեփոխում է. «Ոտնահարում է մեր Սահմանադրությունը, դուք երկու անգամ պակասեցնում եք մեր ժողովրդի մասնակցությունը հանրապետական ընտրություններին, սա հավասարազոր է քաղաքացիների կրկնակի իրավազրկմանը, ինչը նշանակում է պատերազմ հայտարարել սեփական ժողովրդին: Կարո՞ղ եք որեւէ պետություն նշել, որը իրավազրկել է սեփական ժողովրդին, անունը դրել բարեփոխում…
Կարդացեք նաև
Արփինե ՍԻՄՈՆՅԱՆ
