Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արշակ Վարդանյանին դիմելով՝ ամբաստանյալ Կարեն Վարդանյանն այսօր հայտարարեց, որ նախորդ նիստում տված իր ցուցմունքին ոչինչ չունի ավելացնելու եւ որ չի ցանկանում այս փուլում պատասխանել ոչ մեղադրողի, ոչ պաշտպանական կողմի եւ ոչ էլ դատարանի հարցերին:
Նա ընդունեց ավազակային հարձակման մեջ իրեն մեղադրելը, տարադրամի փոխանակման կետերից գումարներ հափշտակելու փաստն էլ ընդունեց եւ հայտնեց, որ տարադրամի փոխանակման կետերից մեկում կատարված սպանությունը կատարել է ոչ թե այդ գործով ամբաստանյալներ Ռաֆայել Հայրոյանի եւ Հայկ Կոջոյանի հետ, այլ ոմն Վահանի:
Ի դեպ, «ոմն Վահանի» մասին լսվում է առաջին անգամ եւ ամբաստանյալների մեջ նման անձ գոյություն չունի:
Դատարանը հրապարակեց ամբաստանյալ Ռաֆայել Հայրոյանի կնոջ՝ Զարուհի Պետրոսյանի՝ նախաքննության ժամանակ տված ցուցմունքները, համաձայն որի՝ նա «Հայբիզնեսբանկից» ստացել էր մոտ 100 հազար դոլարի չափով գումար, ապա այն տվել այս գործով ամբաստանյալ «Հայբիզնեսի» աշխատակից Էդիտա Ալիխանյանին:
Կարդացեք նաև
Բանդիտիզմի գործով նոր զարգացումներ են եղել, ինչին կանդրադառնանք շաբաթ օրվա «Առավոտ» օրաթերթում:
