«Մենք եղել ենք իշխանության եւ գիտենք, թե ոչ արդարացի քննադատությունը ինչքան վատ բան է: Դուք աշխատեք քիչ մեկնաբանեք»,- ԱԺ նիստում ՀԱԿ խմբակցության քարտուղար Արամ Մանուկյանն այսպիսի դիտարկում արեց՝ Հ1-ի ուղիղ եթերով ԱԺ նիստը հեռարձակելու վերաբերյալ իրենց առաջարկի շուրջ հնչած մեկնաբանությունների մասին: Մասնավորապես, խոսքն ուղղված էր ԱԺ նախագահ Գալուստ Սահակյանին:
Նրա խոսքերով՝ իմացեք, որ մեր «ոչ»-երի մեջ ավելի շատ դրական բան կա, քան ձեր «այո»-ի մեջ:
Արամ Մանուկյանը հետո հարց ուղղեց Սահմանադրության նախագիծը ԱԺ-ում ներկայացնող սահմանադրագետ Վարդան Պողոսյանին. «Դուք, որպես մասնագետ, վարձատրվո՞ւմ եք այս աշխատանքի համար, թե՞ վարձահատույց լինելու եք հանրաքվեից հետո»:
Վարդան Պողոսյանը վստահեցրեց, որ չի վարձատրվում եւ չի վարձատրվելու նաեւ հանրաքվեից հետո. «Սահմանադրական հանձնաժողովը աշխատել եւ աշխատում է հասարակական հիմունքներով, որեւէ վարձատրություն չի ակնկալում: Պետական բյուջեից նույնիսկ 1 լումա չի ծախսվել: Բոլոր գործուղումները, Վենետիկի հանձնաժողովի հետ հանդիպումները բոլորը իրականացվել են դոնոր կազմակերպությունների կողմից տրամադրված ֆինանսավորման միջոցով: Հանրաքվեից հետո ես որեւէ վարձատրություն չեմ ակնկալում: Ես մասնագետ եմ եւ գործում եմ իմ խղճին համապատասխան: Փաստաթուղթը իմ սահմանադրական համոզմունքների արգասիքն է, եթե այդպես չլիներ, ես չէի համաձայնի այս հարցով լինել ՀՀ նախագահի ներկայացուցիչը»:
Կարդացեք նաև
Հռիփսիմե ՋԵԲԵՋՅԱՆ
Պարզվում է, “սահմանադրական համոզմունքների արգասիքի” համար “դոնոր” կազմակերպություններ կան, որ վճարում են: Բա ՀԿ/ներին ինչու են ասում գրանտակեր: Եվ մի հարց. ով է Վարդան Պողոսյանը? Որտեղից հայտնվեց: