Փաստաբան Նիկոլայ Բաղդասարյանին քրեական օրենսգրքի 144-րդ հոդվածով, այն է՝ անձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածելը, մեղադրանք է առաջադրվել:
Այսօր Շենգավիթ վարչական շրջանի ընդհանուր իրավասության դատարանում այս գործի քննությամբ նիստ էր նշանակված: Սակայն նախագահող դատավոր Ալեքսանդր Ազարյանի` վատառողջ լինելու պատճառով նիստը հետաձգվեց: Որոշումը կհրապարակվի սեպտեմբերի 24-ին` ժամը 11.00-ին:
Պարոն Բաղդասարյանի կարծիքով` այս մեղադրանքը ոչ թե իր դեմ է, այլ դա հետապնդում է ողջ փաստաբանական ինստիտուտի դեմ: Նա մանրամասնեց. «Խնդիրը նրանում չէ, որ հանցագործություն համարվի փաստաբանի կողմից ապացույցներ, այդ թվում նաև անձնական կամ ընտանեկան գաղտնիք համարվող ապացույցներ հավաքելը և հանցագործություն համարվի դրանց հրապարակումը: Այլ այն, որ այդ դեպքում փաստաբանական ինստիտուտը` որպես գործունեության տեսակ, ՀՀ-ում պետք է մեռնի»:
Պարոն Բաղդասարյանը նշեց, որ իրականում ինքն անձամբ չի հավաքագրել այդ տվյալները, այլ մամուլում բազմաթիվ հրապարակումեր են եղել այդ մասին: Նաև շեշտեց. «Փաստաբանն իրավունք ունի հավաքագրել ապացույցներ, այդ թվում նաև անձնական գաղտնիք պարունակող և դրանք հրապարակել, եթե դատարանն իրեն չի արգելում դա: Դա փաստաբանի աշխատանքն է»:
Կարդացեք նաև
Տաթև ՀԱՐՈՒԹՅՈՒՆՅԱՆ
