Թե ինչով է տարբերվելու «Հանրային փրկության ճակատի» «ոչ»-ը, «Ոչ»-ի ճակատի «ոչ»-ից, մի փոքր անհասկանալի է մնում։ Մեր հարցերին երեկ պատասխանեց «Հանրային փրկության ճակատի» ներկայացուցիչ, «Հիմնադիր խորհրդարանի» խոսնակ Վարուժան Ավետիսյանը։
– Պարոն Ավետիսյան, շաբաթ օրը համաժողովում հայտարարվեց, որ սահմանադրական փոփոխությունները պետք է կասեցվեն փողոցային պայքարի միջոցով, եւ հանրահավաքները մեկնարկելու են Գյումրիից, ձեր մոտ էլ այսօր փակ քննարկում կար, ինչպե՞ս է պլանավորվում պայքարը։
– «Չե՛ք անցկացնի» նախաձեռնության անդամների հետ հատուկ քննարկում չի եղել մարտավարական մանրամասնությունների վերաբերյալ, այդ պատճառով ինչքան որ մամուլն է տեղյակ, այնքան էլ ես, այս պահին։ Ընթացքում, բնականաբար, մանրամասներին կծանոթանանք։ Մեզ մոտ աշխատանքային հանդիպում էր, բայց դա մեր ճակատի աշխատանքների հետ էր կապված։
– Դուք ի՞նչ եք պլանավորում։
Կարդացեք նաև
– Մենք առայժմ աշխատում ենք մեր ընթացքը իմաստավորելու ուղղությամբ եւ մինչեւ սեպտեմբերի 21-ը, եթե ոչ ավելի շուտ, կհայտարարվի մեր ճակատի ստեղծման մասին։
– Բայց 2 «Ոչ»-ի ճակատ է ստացվում կամ՝ ավելին։
– Նոր գործընթաց է, եւ տեսնենք, թե ի վերջո ինչ կստացվի։ Հույս ունենանք, որ միասնական ձեւաչափ կձեւավորվի, ակտիվ աշխատում են 2 կողմերն էլ՝ նաեւ մերձեցնելու համար մոտեցումները:
Լուսինե ԲԱՐՍԵՂՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
