Նախագահ Սերժ Սարգսյանը վերջերս Սահմանադրական փոփոխությունների նախագծի շուրջ հանդիպումներ ունեցավ խորհրդարանական եւ արտախորհրդարանական բազմաթիվ կուսակցությունների հետ:
Այսօր «Հենարան» ակումբում լրագրողները ՀՀԿ խմբակցության պատգամավոր, Միացյալ ազատական ազգային կուսակցության՝ ՄԻԱԿ անդամ Լեւոն Մարտիրոսյանից հետաքրքրվեցին՝ ինչո՞ւ նախագահը չհանդիպեց Ձեր կուսակցության հետ եւ չհրավիրեց Բաղրամյան 26:
Նա պատասխանեց. «Մենք համատեղ քննարկել ենք եւ որոշել ենք, որ դրա անհրաժեշտությունը չկա, որովհետեւ այլ ձեւաչափով քննարկել էինք հարցը: Որեւէ այլ խնդիր չի եղել: ՀՀԿ-ին էլ նախագահը չի հրավիրել, որովհետեւ մի քիչ տարօրինակ կլիներ, եթե իր կուսակիցների հետ բոլոր ձեւաչափերով քննարկելու հնարավորությունն ունենալով՝ նախագահը ձեւական ինչ-որ հանդիպում կազմակերպեր»:
Մեր հարցին՝ այդ դեպքում Խոսրով Հարությունյանի, Արտաշես Գեղամյանի հետ հանդիպումը ձեւական չէի՞ն՝ նա պատասխանեց. «Ձեւական եմ ասում՝ բառի լավ իմաստով: Քննարկումներ Սահմանադրական փոփոխությունների հետ կապված ՀՀ նախագահի հետ եղել են առնվազն 10 անգամ՝ վերջին ամիսների ընթացքում: Ոչ ֆորմալ ձեւաչափով էլ են քննարկումներ եղել»:
Կարդացեք նաև
Հռիփսիմե ՋԵԲԵՋՅԱՆ
