«Իրազեկ քաղաքացիների միավորում» ՀԿ-ի կազմակերպած «Արտաքին քաղաքականություն եւ լուսաբանում» թեմայով սեմինարի ընթացքում լրագրողները Միջազգային և անվտանգության հարցերի հայկական ինստիտուտի հիմնադիր նախագահ Ստյոպա Սաֆարյանից հետաքրքրվեցին, թե արդյոք օրերս թուրք-հայկական սահմանի մոտակայքում տեղի ունեցած պայթյունը (որի արդյունքում 12 ոստիկան է զոհվել) հատուկ չի՞ արվել, որպեսզի այդ մասում ավելի շատ զորք կենտրոնացվի:
Պարոն Սաֆարյանը պատասխանեց, որ հնարավոր է. «Անհրաժեշտ է բոլոր վարկածները դիտարկել: Եթե մենք նույնիսկ չունենք ստույգ բացատրություն տեղի ունեցողի մասին, առնվազն մի քանի սցենարներ կան: Չմոռանանք, որ քանի անգամ Թուրքիան Հայաստանի հետ սահմանի մոտ զորք մոբիլիզացնելու համար ստեղծել է պատրվակներ»:
Նա հիշեցրեց, որ նման փորձ եղել 1993 թվականին: «Այդ ժամանակ 2-3 հայտարարություն եղան, որ զսպեցին այդ փորձը: Առաջինը ԱՄՆ Պետքարտուղարության հայտարարությունն էր, որ որեւէ երրորդ երկրի ներխուժում Կովկաս ու ղարաբաղյան հակամարտություն ուղղակի չի հանդուրժվի: Դա ուղղված է եղել Թուրքիային: Եվ եղել է Ռուսաստանի արձագանքը, որ եթե դա լինի, Երրորդ համաշխարհային կլինի»:
Ստյոպա Սաֆարյանը նաեւ ասաց, որ 1993 թվականից հետո պարբերաբար տեղեկատվություն էր տարածվում, թե Հայաստանի տարածքում մարզվում են քրդական բանվորական կուսակցության ահաբեկիչներ եւ այլն. «Այսինքն` պատրվակներ իրենք միշտ փորձել են ստեղծել: Այո, Թուրքիան ունի Կովկասի գործերում խառնվելու բացահայտ ցանկություն: Դա անհերքելի է: Ինքը նույնիսկ հայ-թուրքական հարաբերություններն օգտագործել է ոչ այնքան Հայաստանի հետ հարաբերությունները կարգավորելու, որքան ղարաբաղյան հակամարտության վրա հայտնվելու համար»:
Կարդացեք նաև
Աշոտ ԻՍՐԱԵԼՅԱՆ
