Ձկնորսները շարունակում են լիճ դուրս գալ
Նախկինում հայտնել ենք, որ չնայած ադրբեջանական գնդակոծության մեծ վտանգին, Բերքաբերի եւ Ջողազի ջրամբարի մերձակա հայկական այլ գյուղերի որոշ բնակիչներ երբեմն ռիսկ անելով՝ փչովի նավակներով ձկնորսություն են անում սահման հանդիսացող արհեստական լճում: Ադրբեջանական զինուժը ձկնորսներին թիրախ է դարձնում: Վերջին դեպքը 2014թ. դեկտեմբերի 14-ին էր, երբ ադրբեջանցիները Բերքաբերի բնակիչ, 1981թ. ծնված Աղասի Թամրազյանի վրա բազմաթիվ գնդակներ արձակեցին: Գնդակները դիպել էին նրա ոտքի սրունքների շրջանում, կյանքի համար վտանգ չէին ներկայացնում: Սակայն այդ դեպքից հետո Աղասի Թամրազյանը շարունակում էր կյանքի համար վտանգավոր ձկնորսությունը:
Այսօր Ջողազի ջրամբարում նավակով ձկնորսներ տեսանք: Նավակը գտնվում էր ջրամբարի եզրին, սակայն դա անվտանգության երաշխիք չէ,քանզի նավակը եւ դրանում գտնվողները կարող էին գնդակոծվել Ղազախի շրջանի Մազամ գյուղի տարածքից:
Կարդացեք նաև
Ոսկան ՍԱՐԳՍՅԱՆ
