Ադրբեջանի Միլի Մեջլիսը սեպտեմբերի 14-ին արտահերթ հատուկ լիագումար նիստ կանցկացնի: Այս տեղեկությունը հաղորդել է «Ազատություն» ռադիոկայանի ադրբեջանական ծառայությունը:
Արտահերթ նիստի գումարման պատճառը սեպտեմբերի 10-ին Եվրախորհրդարանի կողմից Ադրբեջանի վերաբերյալ բանաձեւի ընդունումն է:
Հիշեցնենք, որ երեկ Եվրախորհրդարանում Ադրբեջանում մարդու իրավունքների խնդիրների հետ կապված լսումներ են տեղի ունեցել։ Լսումների ընթացքում ուշադրություն է հրավիրվել մարդու իրավունքների խնդիրներին, Ադրբեջանում օրենքի գերակայության պահպանման անհրաժեշտությանը։
Եվրախորհրդարանի կայքում հրապարակված բանաձևի տեքստում հիշատակվում է մարդու իրավունքների աղետալի վիճակն Ադրբեջանում, նշվում է նաև քաղաքացիական հասարակության, լրատվամիջոցների ներկայացուցիչների նկատմամբ գործադրվող ճնշումների մասին։ Նշվում է, որ խախտվում են լրագրողների ու ակտիվիստների հիմնարար ազատություններն ու իրավունքները։
Կարդացեք նաև
Պատրաստեց Աշոտ ԻՍՐԱԵԼՅԱՆԸ
