ԱԺ ԲՀԿ խմբակցության պատգամավոր Միքայել Մելքումյանն այսօր վերահաստատեց ԲՀԿ-ի դիրքորոշումը սահմանադրական բարեփոխումների վերաբերյալ:
«Տեսակետ» ակումբում hարցին, թե երբ է ԲՀԿ-ն պատրաստվում հայտարարել պաշտոնական տեսակետը, պատգամավորը պատասխանեց. «ՈՉ»-ի շարժմանը չենք միանալու: Հոկտեմբերի 5-ից, երբ սկսվեն ԱԺ-ում քննարկումները, տեսանելի կլինի մեր ուղղվածությունը: Մեր վերջնական տեսակետը տեսանելի կլինի քաղխորհդի նիստից հետո»:
Նրա խոսքով, որոշում կուսակցության ներսում պետք է լինի ու արտահայտի միասնական տեսակետը. «ԲՀԿ-ն ինքն է որոշում իր քաղաքական օրակարգը: Մենք չեն նայում, թե կողքից ինչ գործընթացներ են գնում… մենք արել ենք բազմաթիվ առաջարկություններ և մեր վերջնական կարծիքը կներկայացնենք հոկտեմբերի 5-ին՝ քվեարկության ժամանակ: Մեկ բան ակնհայտ է, որ անձերի պայքարից Հայաստանն անցնելու է քաղաքական ուժերի պայքարի: Որևէ մեկը չի ասում, թե կուսակցությունների պայքարն անթերի է լինելու, բայց մենք պետք է անցում կատարենք դրան»:
Պարոն Մելքումյանը, անդրադառնալով սահմանադրական փոփոխությունների նախագծում տեղ գտած դրույթներին, թվարկեց այն կետերը, որոնք իրենց մտահոգում են. «Կայուն մեծամասնության խնդիրն է ամենամտահոգիչը և ներքին կայունության և արտաքին անվտանգության հարցը: Այս առումով կյանքն է ցույց տալու՝ ներքին և արտաքին անվտանգության հարցը ոնց է լինելու»:
Կարդացեք նաև
Արփինե ՍԻՄՈՆՅԱՆ
