«Սահմանային լարվածության մասին որեւէ հարց ԵՏՄ-ում չի քննարկվել, որովհետեւ դա մաքուր տնտեսական բլոկ է, իսկ ՀԱՊԿ-ի վեհաժողովին այդ հարցը քննարկվելու է»,-այսօր կառավարության նիստից հետո լրագրողների հետ ճեպազրույցում ասաց արտաքին գործերի փոխնախարար Շավարշ Քոչարյանը՝ պատասխանելով լրագրողների այն հարցին՝ թե Հայաստան-Ադրբեջան սահմանին տիրող իրավիճակի ու ադրբեջանական գնդակոծությունների վերաբերյալ հարց բարձրացվե՞լ է ամսի 8-ին ԵՏՄ միջկառավարական խորհրդի նիստին:
Քոչարյանի խոսքերով՝ «Անվտանգության եւ պաշտպանության հարցում մենք առաջին հերթին մեր հույսը պետք է դենեք մեր վրա: Ինչ վերաբերում է դաշնակից երկրների աջակցությանը կամ պայմանագրային պարտավորություններին, դա այլ բան է: Բայց մենք պետք է ունենանք այն գիտակցումը, որ որեւէ երկիր իր պաշտպանության հույսը դնում է այլ երկրի վրա, ներողություն, դա կարող է շատ տխուր հետեւանք ունենալ»:
Եվրասիական տնտեսական միությանն անդամակցելու ամենաընդգծված ու հիմնական պատճառաբանությունն իշխանությունների կողմից Հայաստանի անվտանգության հարցն էր. լրագրողների մի քանի անգամ կատարած այս դիտարկմանը Քոչարյանը նորից կրկնեց՝ ԵՏՄ-ն տնտեսական բլոկ է, ինչ վերաբերում է անվտանգությանը, ապա ըստ Շավարշ Քոչարյանի, խոսքը տնտեսական անվտանգության մասին է եղել:
Մանրամասն՝ տեսանյութում
Կարդացեք նաև
Ղրիմի ղեկավարի այցի, ՀԱՊԿ-ից հայկական կողմի ակնկալիքի եւ այլ հարցերի շուրջ արտաքին գործերի փոխնախարարի պատասխանները՝ տեսանյութում
Նելլի ԲԱԲԱՅԱՆ
