Մարդու իրավունքների եվրոպական դատարանի կայացրած վճիռների պահանջները կատարելու համար այսօր կառավարությունը որոշեց արդարադատության նախարարությանը հատկացնել 71,160 եվրոյին համարժեք դրամ: Այս որոշումն այսօր ընդունվեց կառավարության հերթական նիստին:
Արդարադատության նորանշանակ նախարար Արփինե Հովհաննիսյանի ներկայացմամբ՝ ՄԻԵԴ-ը Հայաստանի կառավարության դեմ վճիռներ է կայացրել «Նալբանդյանն ընդդեմ Հայաստանի» եւ «Դավթյանն ընդդեմ Հայաստանի» հայցերով:
Նախարարի խոսքերով՝ 71.160 եվրոյից 62,100-ը տրամադրվելու է «Նալբանդյանն ընդդեմ Հայաստանի» վճռով սահմանված արդարացի փոխհատուցման համար, իսկ մնացածը՝ «Դավթյանն ընդդեմ Հայաստանի» վճռով սահմանված փոխհատուցման համար»:
Նելլի ԲԱԲԱՅԱՆ
