Երեկ հայտնի դարձավ, որ Արթուր Բաղդասարյանի նախաձեռնած «Ագգային վերածնունդ» շարժմանը միացել է անձամբ Սոցիալիստական շարժման ղեկավար Ռոբերտ Ահարոնյանը։
Այս մեկ փաստով կարող ենք հերթական անգամ արձանագրել, թե որքան աղճատված եւ այլասերված է ներկա քաղաքական դաշտը Հայաստանում։ Չեն գործում որեւէ սկզբունքներ, բարոյական նորմերի մասին ընդհանրապես չենք խոսում։ Եվ այս փուչ շարժումներով, «ազգի փրկություններով», «վերածնունդներով» հաստատուն կերպով մեր երկիրը տանում ենք դեպի ոչինչ։
Ինչպե՞ս կարող է պատահել, որ Հայաստանը Ռուսաստանի կազմում տեսնող մարդը իրեն եվրոպամետ, ինչ-որ ազատական համարող Արթուր Բաղդասարյանի կողքին է կանգնում։ Որովհետեւ էությամբ նույնն են։ Նրանց միավորողը անսկզբունքայնությունն է, հարմարվողականությունը, կեղծավորությունը։
«Ես, որպես Սոցիալիստական շարժման ղեկավար հաստատում եմ, որ մեր շարժման գլխավոր նպատակը Հայաստան-Ռուսաստան փաստացի միավորումն է, բարեկամական հարաբերությունների խորացումը եւ ռազմական ու տնտեսական միասնական գոտու ստեղծումն ամբողջությամբ։ Սա է մեր ազգի փրկությունն այսօր»։ Սրանք Ռոբերտ Ահարոնյանի խոսքերն են։ Ու այս խոսքերով նա գնում, միանում է «Ազգային վերածնունդ» կոչվող շարժմանը։ Ազգային վերածնունդը սրանց համար Ռուսաստանին միանալն է։ Վաղը, եթե իրավիճակ փոխվի, կարող են միանալ Կորեային կամ Նոր Զելանդիային:
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
