Նա մտադիր է ապացուցել իրենց գործողությունների օրինականությունը
Նախկինում հայտնել ենք Նոյեմբերյան քաղաքի բնակիչ Արտակ Ներսիսյանի կողմից ՀՀ Գլխավոր դատախազ Գեւորգ Կոստանյանին ուղարկած դիմումի մասին, որի մեջ Ա. Ներսիսյանը հայտնում է Վարդավառի օրը՝ հուլիսի 26-ին Նոյեմբերյանում ճանապարհային ոստիկանության կողմից իր նկատմամբ ուժ գործադրելու, վարչական իրավախախտման վերաբերյալ որոշումով իրեն 150 հազար դրամ տուգանելու մասին:
Այդ հրապարակման կապակցությամբ այսօր մեզ հանդիպեց ՃՈ դասակի հրամանատար Սմբատ Նորեկյանը: Նա ժխտեց իրենց կողմից Արտակ Ներսիսյանի հանդեպ ուժ գործադրելը, վերջինիս հողաթափի պատռվելը: Նորեկյանն ասաց, որ եթե Ա. Ներսիսյանի հանդեպ ուժ է կիրառվել, ինչո՞ւ նա իսկույն չի բողոքել համապատասխան մարմիններին, այլ սկսել է բողոքել այն բանից հետո, երբ մեկ ամիս անց՝ օգոստոսի 26-ին, ստացել է իրեն տուգանելու մասին որոշումը:
Դասակի հրամանատարի խոսքերով՝ Ա. Ներսիսյանը կարծում է , որ Գլխավոր դատախազին բողոքելը մեղմացուցիչ հանգամանք կլինի, որպեսզի 150 հազար դրամ տուգանքը չմուծի: Նորեկյանն ասաց, որ Ա. Ներսիսյանն իր վճարունակ չլինելու, տուգանքը չմուծելու մտադրության մասին հայտարարել է ոստիկանության Նոյեմբերյանի բաժնի շենքում գտնվող աշխատասենյակում:
Կարդացեք նաև
Ոսկան ՍԱՐԳՍՅԱՆ
