Քաղաքագետ Տիգրան Աբրահամյանը` սահմանային լարվածության մասին
– Այս ձգձգվող լարվածությունն ինչքա՞ն կարող է տեւել, ի՞նչ զարգացումներ կարող է ունենալ, մանավանդ, որ Ադրբեջանն արդեն անցնում է խաղաղ բնակչության վրա հարձակումների:
– Ադրբեջանի կողմից բնակավայրերի, խաղաղ բնակիչների ուղղությամբ ագրեսիան նորություն չէ, այլ բան է, որ ժամանակի ընթացքում այդ սադրանքները առավել ինտենսիվ ու վտանգավոր են դառնում:
Քանի հիմնախնդիրը վերջնական կարգավորում չի ստացել, պետք է պատրաստ լինել սահմանագծին առկա լարվածությանը, մանավանդ, որ Ադրբեջանը հրապարակայնորեն հայտարարում է, որ խնդրի ռազմական լուծումը կարգավորման տարբերակներից է, իսկ առաջնագծում լարվածության նվազումը չի բխում իր շահերից:
Կարդացեք նաև
-Սեպտեմբերի 3-6-ը Հայաստանում պետական ու ռազմական կառավարման մարմինների ռազմավարական հրամանատարաշտաբային զորավարժությունն էր, որը կրում էր «Շանթ 2015» անվանումը: Արդյո՞ք սա կապված է սահմանագծի կտրուկ լարվածությամբ:
-Այս տիպի, որակի ու մասշտաբի զորավարժությունները չէին կարող 1-2 շաբաթում պլանավորվել, այդ տեսանկյունից, չեմ կարծում, թե զորավարժությունները պայմանավորված էին սահմանագծին իրադրության կտրուկ սրմամբ:
Մյուս կողմից, այսպիսի զորավարժությունները նպատակ ունեն իրադրության զարգացման ցանկացած իրավիճակում ապահովել պետության բոլոր օղակների արդյունավետ գործառույթներ:
Նելլի ԳՐԻԳՈՐՅԱՆ
