«Ազատության» հետ զրույցում Լիպարիտյանը պարզաբանեց, որ նման կարծիք է ձևավորվել այն քաղաքական ու ռազմական քայլերից, որոնք ձեռնարկում են Հայաստանի իշխանությունները՝ չեզոքացնելու Ադրբեջանի ագրեսիվ գործողությունները, որոնք, սակայն, նախորդ տարիներին ավելի մասշտաբային են դարձել:
«Մենք մտածել ենք, որ Ղարաբաղի հարցը լուծված է մեզ համար, ինչ որ մնացել է՝ ուրիշներինն է, ուրիշների համար է, նրանք պետք է լուծեն: Եվ տարածաշրջանում գործում ենք որպես հյուր, որ ուրիշները մեր հարցերը լուծեն», – նշեց նա՝ շարունակելով․ – «Ինչու՞ են կրակում մեր բնակավայրերի ուղղությամբ և կրակում են ավելի ու ավելի շատ, որովհետև հարցը լուծված չէ: Մեր իշխանությունների մի մասը մտածում է, թե տակավին միջնադար ենք՝ հաղթել ենք ու վերջ: Հաղթել ենք, մյուսը պարտված է, բայց չի ընդունում իր պարտությունը: Եվ դա անդադար անելու է: Իսկ դժբախտությունն այն է, որ մեր իշխանությունները այս իրավիճակը ընդունում են որպես սովորական: Այսինքն, կարելի է առհավետ գնալ այսպես, որ մի քանի ամիսը մեկ ռմբակոծումներ լինեն, մեր գյուղացիները վնասվեն․․․ [նրանք] իսկական քաղաքացիներն են մեր պետություն: Եվ վարչապետը որոշում է, որ իրենց մի քիչ փող կտա, թող գնան ու սպանվեն ու վիրավորվեն»:
Սարգիս Հարությունյան
Նյութի մանրամասները կարդացեք «Ազատություն» ռադիոկայանի կայքում
