Առաջին նախագահ Լեւոն Տեր-Պետրոսյանը հայտարարել է, որ պատրաստվում է ժողովրդին հրապարակ դուրս բերել սահմանադրական փոփոխությունների դեմ եւ չի բացառվում, որ այն վերածվի Սերժ Սարգսյանին պաշտոնանկ անելու գործընթացի: Այս առնչությամբ այսօր Aravot.am-ի հարցին ԱԺ նախագահ Գալուստ Սահակյանը պատասխանեց. «Տարիներ շարունակ նույն բանն ասվել է: Կարծում եմ, տրամաբանորեն պիտի մարդիկ հաշվարկեն ու տեսնեն, որ պիտի կարողանաս քաղաքական այնպիսի ռեզերվներ ունենաս կամ օբյեկտիվ իրավիճակներ ունենաս, որ դրան կարողանաս հասու լինել»:
Նա վստահեցրեց, որ հանրության տրամադրություններին ավելի շատ ՀՀԿ-ն է ծանոթ, քանի որ ՀՀԿ-ն է շատ շփվում հանրության, ժողովրդի հետ:
Մեր հարցին՝ ընդդիմությունն ասում է, որ երկրում ստեղծված է բռնատիրական համակարգ, ու ով փորձում է ընդդիմանալ սահմանադրական բարեփոխումներին, ճնշում են, ահաբեկում են՝ Գալուստ Սահակյանը պատասխանեց. «Կարծում եմ, եթե այդպիսի համակարգ լիներ, ինչպես ժամանակին ես տեսել եմ, դուք այդ հարցը չէիք տա»:
Գալուստ Սահակյանը վստահեցրեց, որ համարյա կոնսոլիդացիա կա ԱԺ-ում սահմանադրական փոփոխությունների շուրջ:
Կարդացեք նաև
Հռիփսիմե ՋԵԲԵՋՅԱՆ
