Խորհրդարանում ընթացող սահմանադրական բարեփոխումների նախագծի առիթով կազմակերպված լսումների ժամանակ Վերակազմյալ սոցիալ-դեմոկրատ հնչակյան կուսակցության ղեկավար, ԱԺ պատգամավոր Լյուդմիլա Սարգսյանը հարց-մտահոգություն հնչեցրեց 100 տոկոսանոց համամասնական ընտրակարգին անցնելու, մասնավորաբար, ռեյտինգային քվեարկության ինստիտուտի ներդրման մասին:
Սահմանադրական մասնագիտական հանձնաժողովի անդամ Հրայր Թովմասյանը, պատասխանելով լրագրողի հարցին, ասաց, որ նախագիծը ռեյտինգային քվեարկության մասին հստակ ոչինչ չի սահմանում: Համամասնական ընտրակարգի մոդելի քննարկումներն ու վերջնական տարբերակի ընտրությունը կլինի Ընտրական օրենսգրքի քննարկումների ժամանակ, եթե այս նախագիծը դառնա սահմանադրություն:
Նելլի ԳՐԻԳՈՐՅԱՆ
