Նախկին ԲՀԿ-ական Արագած Ախոյանը եւս 9 պատգամավորների հետ սահմանադրական փոփոխությունների գործընթացի շրջանակներում հյուրընկալվել էր Սերժ Սարգսյանին։
– Մտավախության չունե՞ք, որ սահմանադրության փոփոխությունից հետո ՀՀԿ-ն խորհրդարանական կառավարման պարագայում իշխանությունը կվերցնի միանձնյա։
– Ես ոչ մի անգամ մտավախություն ոչ ունեցել եմ, ոչ էլ կունենամ, որովհետեւ ես գուշակ չեմ։ Բոլոր կուսակցություններն էլ ունեն սահմանադրական իրավունքներ, եւ, բնականաբար, այսօր բոլորն էլ կարող են քայլ անել։
– Այսօր Բաղրամյան 26-ում հյուրընկալված պատգամավորներդ որպես ի՞նչ էիք հյուրընկալվել, քանի որ ձեզանից մի քանիսը, այդ թվում դուք, փաստացի ԲՀԿ խմբակցության պատգամավոր եք։
Կարդացեք նաև
– ԲՀԿ խմբակցության անդամ լինելը մի բան է, անկուսակցական լինելը՝ այլ բան։ Այսօր մենք, իհարկե, կուսակցության անդամ չենք, ԲՀԿ խմբակցության անդամ ենք։ Բայց լինելով ԲՀԿ խմբակցության անդամ, մեզ համարում ենք անկախ պատգամավոր։ Իհարկե, ԲՀԿ կուսակցության դեմ ես բան չունեմ, ընդհակառակը, բոլորի հետ էլ լավ հարաբերություններ ունեմ, բայց՝ կարեւորը նա էր, որ որպես քաղաքական առանձին միավորներ, դուրս չենք մնացել քաղաքական դաշտից եւ շատ զգացված ենք, որ մեր կարծիքի հետ հաշվի են նստում, երկրի նախագահը ուզեցավ լսել մեր կարծիքը։ Մեզ հետ հանդիպեց որպես առանձին միավորի, դրա մեջ որեւէ արտառոց բան չկա, այլ ընդհակառակը՝ ողջունելի քայլ էր։
Արման ԳԱԼՈՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
