«Բոլոր արժութային շուկաներում գերակայում է դոլարը, եւ բազմաթիվ երկրներ պարզապես դոլարիզացված են, այդ թվում նաեւ Ռուսաստանը մեծապես, ինչպես նաեւ Հայաստանը»,- սեպտեմբերի 3-ին «Հայելի» մամուլի ակումբում լրագրողների հետ հանդիպման ընթացքում ասաց տնտեսագետ Վարդան Բոստանջյանը:
Նրա խոսքերով՝ իրավիճակը Ռուսաստանում, մասնավորապես՝ ռուբլու գահավիժումը, տեղափոխվում է Հայաստան, ինչը այս պահին եւ տեղի է ունենում: Ըստ նրա՝ Եվրասիական տնտեսական միությունում Ռուսաստանը կարող է խոսել միասնական արժույթ ունենալու մասին, դոլարի բացառման մասին. «Սրա իրատեսականությունը բավականին բարդ է, որովհետեւ այդպես ասելով չի լինի, դա ենթադրում է ու պահանջում է հետեւողական աշխատանք եւ երկար՝ մինչեւ անգամ տարիների: Հասկանալի է, որ հիմնական սեփականությունը, հարստությունը կուտակված է ամուր այդ արժույթով, այսինքն՝ դոլարով կամ եվրոյով, եւ բնականաբար, այդպես մի հրովարտակը ղեկավարի կողմից, որ հրաժարվենք արժույթից, ըստ էությամբ, այդպես հասարակ կերպով լինել չի կարող»:
Տնտեսագետը նշեց, որ արժույթը ֆիզիկական եւ իրավաբանական սուբյեկտների հարաբերությունների թափանցիկության ապահովման մեխանիզմ: Եվ եթե արժույթը մերժվում է կամ բազմաթիվ արժույթներ են տեղադրվում, այդ թափանցիկության ինստիտուտը վտանգվում է. «Միասնական արժույթի գոյությունը բոլոր տիպի հարաբերությունների ու գործունեության թափանցիկության ֆիքսման կարեւորագույն մեխանիզմն է: Դա հենց վտանգվեց վտանգվում է նաեւ այդ ամբողջ գործընթացի թափանցիկության ինստիտուտը, որը շատ կարեւոր է հասարակության, քաղաքացու եւ պետության համար»:
Վարդան Բոստանջյանը համարում է, որ կարեւոր չէ միասնական արժույթի անունը, կարեւորը՝ այդ տիրույթում կարողանալ վերահսկել ֆինանսական հոսքերի շարժը. «Դոլար, եվրո շպրտեք մի կողմ, իրենք վերահսկում են դրա շարժի ամբողջ տիրույթը: Սովետական երկրում ըստ էության մի միջոց կար դրամական՝ ռուբլին, լավն էր, վատն էր, դա միջոց էր, որ մենք հասկանանք, ով ինչ է անում, ինչ արժեքի նոր բան է սկսվում, ինչ արժեքի բան է փչացնում»:
Կարդացեք նաև
Ամի ՉԻՉԱԿՅԱՆ
