Գեներալ-գնդապետ Գուրգեն Դալիբալթայանի քաղաքացիական հոգեհանգստի արարողությունից դուրս գալուց հետո` այսօր` սեպտեմբերի 2–ին, լրագրողները փորձեցին ոստիկանապետից մեկնաբանություն ստանալ «Էյր Արմենիայի» սեփականատիրոջը ՀՖՖ ակադեմիայում ծեծի ենթարկելու վերաբերյալ։
Ոստիկանապետը նշեց, որ ինքը դեպքի ժամանակ արձակուրդում է եղել, քանի որ ինքն էլ «արձակուրդում գտնվելու իրավունք ունի» եւ գործի մանրամասներին չի տիրապետում։
«Ես գիտեմ, որ դեպքն եղել ա, գիտեմ, որ լուծում ա եղել, գիտեմ, որ քաղաքացին չի բողոքել։ Դուք հասկանո՞ւմ եք` ես օրեկան ինչքան նման գործեր եմ ունենում։ Նյութերը ուղարկվել են Քննչական կոմիտե, ես չեմ տիրապետում»,–ասաց Վլադիմիր Գասպարյանը։
Լրագրողի դիտարկմանը, թե արդյոք դա նշանակում է, որ ցանկացած քաղաքացու կարելի է առեւանգել եւ անպատիժ մնալ, եթե Վլադիմիր Գասպարյանն արձակուրդում է, կամ զբաղված, ոստիկանապետը պատասխանեց իր «ֆիրմային» սթափվելու կոչով. «Ես էն անձնավորությունը չեմ, որ նման պրիմիտիվ հարցերին պատասխանեմ, ամոթ ա… սթափվեեեե՜ք, դուք սիրում եք, չէ՞, սթափվել, սթափվե՛ք, մեծացեք, էրեխե՛ք»։
Կարդացեք նաև
Մանրամասներին կարող եք ծանոթանա News.am-ի կայքում
Տեսանյութը՝ «Առաջին լրատվականի»
