Քաղաքագետ, ԱԺ նախկին պատգամավոր Վարդան Խաչատրյանի կարծիքով՝ Սահմանադրությունը մակրոտնտեսական մոտեցումների տեսակետից լուրջ քննադատության չի դիմանում: «Անալիտիկ» մամուլի ակումբում Վարդան Խաչատրյանը նշեց, թե բավականին բարդ է պատկերացնել, որ բացասական դինամիկայի պայմաններում կարելի է ընդունել Սահմանադրություն: Նա մասնավորապես մատնանշեց արտագաղթը:
Ըստ Վարդան Խաչատրյանի՝ այս Սահմանադրության գլխավոր թերություններից է այն, որ ընտանիքը բնութագրված է որպես «բուծարան»:
Թերությունները թվարկելով՝ պարոն Խաչատրյանը շարունակեց. «Լուրջ խնդիր է Հայոց առաքելական եկեղեցու հետ հարաբերությունների վերանայումը: Հայաստանյայց եկեղեցի տերմինը սխալ է, քանի որ հայոց եկեղեցին միայն Հայաստանով չի սահմանափակվում»:
Հարցին՝ տարբեր քաղաքական ուժերի՝ Սերժ Սարգսյանի հետ հանդիպումները սահմանադրական փոփոխությունների հարցով ընդունելի՞ են, օրինակ` հանդիպման է գնացել ընդդիմադիր դաշտից Լյուդմիլա Սարգսյանը, Արարատ Զուրաբյանը` պարոն Խաչատրյանը պատասխանեց. «Եթե գլխավոր հակադարձող կուսակցությանը մի քանի օրվա մեջ կարելի է բելել այն իրավիճակի, որ ուզում ես, ուրեմն դաշտը մանիպուլյացիոն է: Եթե քաղաքական որևէ դրսևորում չունեցող կառույց գնում իր կարծիքն է հայտնում որպես էական նշանակություն չունեցող կարծիք, ապա ինչո՞ւ պիտի հաշվի առնվի»:
Կարդացեք նաև
Aravot.am-ի հիշեցմանը՝ մի առիթով հայտարարել է, թե սահմանադրական փոփոխություններն ունեն քաղաքական ենթատեքստ, այդ դեպքում Սերժ Սարգսյանը դրանք նախաձեռնել է իր վերարտադրման համա՞ր, պարոն Խաչատրյանը պատասխանեց. «Այդ հարցի պատասխանը շատ պրիմիտիվ է: ՀՀ-ն ստորագրել է ԵվրԱզԷս մտնելու պայմանագիրը սեպտեմբերի 3-ին, իսկ բարեփոխումների նախաձեռնության փաթեթը սեպտեմբերի 4-ին»:
Տաթև ՀԱՐՈՒԹՅՈՒՆՅԱՆ
