«Ոչ թալանին» նախաձեռնությունը սեպտեմբերի 1-ին Սիրահարների այգում հավաք էր կազմակերպել: Հավաքի ընթացքում անդամները խորհրդակցեցին եւ որոշեցին գնալ նախագահի նստավայր՝ հայտարարություն անելու:
Սկզբում ոստիկանությունը չէր թողնում անցնել նախագահականի դիմացի մայթ, այնուհետեւ բանակցություններից հետո Երեւանի փոխոստիկանապետ Վալերի Օսիպյանը համաձայնեց:
Անցնելով նախագահականի դիմացի մայթ, նախաձեռնության անդամ Մաքսիմ Սարգսյանը հայտարարեց, որ Սերժ Սարգսյանը սուտասան է:
Կարդացեք նաև
Այնուհետեւ նախաձեռնության անդամները փորձեցին անցնել դիմացի մայթ, ոմանք նաեւ նստում էին հետիոտնի անցումների վրա:
Ոստիկանները բռնի ուժ գործադրելով ազատում էին հետիոտնի համար նախատեսված անցումները: Մաքսիմ Սարգսյանի վերնաշապիկը պատռված է:
Այս պահին Բաղրամյան պողոտայում լարված իրավիճակ է:
«Ոչ թալանին» նախաձեռնության անդամները պարբերաբար անհնազանդության են դիմում: Նախաձեռնությունը երկու մասի է բաժանվել. նրանք գտնվում են տարբեր մայթերին:
Ոստիկանները չեն թողնում անցնել դիմացի՝ Բաղրամյան 26-ի մայթ:
Ամի ՉԻՉԱԿՅԱՆ
