Օրերս Վենետիկի հանձնաժողովի անդամները հանդիպեցին ԱԺ խմբակցությունների, արտախորհրդարանական ուժերի հետ՝ քննարկելու Սահմանադրական փոփոխությունների նախագիծը: ՀԱԿ խմբակցության ղեկավար Լեւոն Զուրաբյանն այդ հանդիպման ժամանակ քննադատեց իշխանություններին եւ Վենետիկի հանձնաժողովին ներկայացրեց, թե ինչ եղավ եռյակի հետ, Գագիկ Ծառուկյանի հետ, երբ ընդդիմացան այդ փոփոխությունների գործընթացին:
Պարոն Զուրաբյանի հնչեցրած քննադատություններին Aravot.am-ի հետ զրույցում ՀՀԿ խմբակցության ղեկավար Վահրամ Բաղդասարյանն այսպես արձագանքեց. «Ես պարզապես չեմ ցանկանում որեւէ վիրավորական խոսք ասել նմանատիպ մեկնաբանություններին, նմանատիպ մարդկանց: Եթե չեն հասկանում, ուրեմն պետք է ժպտաս եւ անցնես: Պարզապես ես ժպտում եւ անցնում եմ, չեմ ցանկանում մեկնաբանել նման մարդկանց, որոնք վերարտադրության հարցից են խոսում, նախագահի վերարտադրման ցանկության մասին են խոսում: Ես պարզապես ժպտում եմ»:
Հռիփսիմե ՋԵԲԵՋՅԱՆ
