Արդեն տեղեկացրել ենք, որ օգոստոսի 30-ին Ռուսաստանի Ռոստովի մարզի գյուղերից մեկում 100 հոգի ծեծելով սպանել են հայ վարորդ Ռաֆայել Խլղաթյանին, որը հարբած վիճակում 5 մեքենայի է հարվածել:
«LifeNews»-ի տվյալներով՝ հայտնաբերվել է Խլղաթյանին մահացու հասցրած անձը: Դեպքից հետո մի շարք ականատեսներ հայտնել էին, որ այդ մարդը նույն գյուղի բնակիչ, 46-ամյա Անդրեյ Զ.-ն է: Նա ոտքով ծանր հարված էր հասցրել հայ վարորդի գլխին, ինչի հետեւանքով վերջինս մահացել էր:
«Գյուղի բնակիչը կանչվել է հարցաքննության: Նա ներկայացել է իր փաստաբանի հետ: Տղամարդը հրաժարվել է ցուցմունք տալ եւ հղում է կատարել ՌԴ սահմանադրության 51-րդ հոդվածին: Այժմ նա գտնվում է ոստիկանության բաժնում»,- ասել է «LifeNews»-ի իրավապահ մարմինների աղբյուրը:
Պատրաստեց Աշոտ ԻՍՐԱԵԼՅԱՆԸ
