Անդրադառնալով տնտեսական աճի մասին Ազգային վիճակագրական ծառայության հրապարակմանը, ՀՀ կառավարության այսօրվա նիստի սկզբում հայտարարությամբ հանդես եկավ վարչապետ Հովիկ Աբրահամյանը: Նա նշեց, որ համաձայն հրապարակման` առաջին եռամսյակում, ըստ ճշգրտված տվյալների, գրանցվել է 2,5, իսկ եռամսյակում՝ 5,1% տնտեսական աճ: «Արդյունքում ունենք 4,5% կիսամյակային տնտեսական աճ: Արտերկրից եկող տրանսֆերտների էական նվազման պարագայում հատկապես կարեւորում եմ գյուղատնտեսական ոլորտում արձանագրվող աճը, որը լրջորեն մեղմում է, արտաքին գործոններով պայմանավորված, մեր քաղաքացիների գնողունակության կորուստները, ինչպես նաեւ մեր արտահանման բազմազանությունը»,-ասաց Աբրահամյանը:
Ըստ նրա, այսօր ՀՀ-ն ավելի մեծ թվով երկրներ արտահանում ունի:
Նելլի ԲԱԲԱՅԱՆ
