Ինչ ունեմ-չունեմ, պատրաստ եմ քեզ տալ,
Որ պահին ձայն տաս, վայրկյանում կգամ,
Թե չհասցնեմ ակնթարթում գալ,
Թռչնից թև կառնեմ, սուրալով կգամ:
Կարդացեք նաև
Հազար մղոնը վայրկյանում կանցնեմ,
Կհաղթահարեմ հրաբուխ և հողմ,
Կպատռեմ ամպերն, գլխիկոր կիջնեմ,
Ու քեզ կփարվեմ որպես հյուսած գեղմ:
Եթե պետք լինի, քեզ իմ մեջ կառնեմ,
Կտարալուծվեմ, քո մեջ կլցվեմ,
Թե հողմերի մեջ հանկարծ մոլորվես,
Քո փրկությանը՝ ինձ մատաղ կանեմ:
Ես հող կդառնամ քո ոտքերի տակ,
Եվ քեզ ման կտամ համայն աշխարհով,
Իմ ձոնած սերը կանեմ քեզ կտակ,
Միայն, թե կողքիս լինես ապահով:
Ինձ վրա կառնեմ դեպի քեզ եկող
Շանթ կրակները, ահեղ զարկերը,
Ու կվերացնեմ քեզ հետապնդող,
Չարիքներով լի բյուր վտանգները:
Կդառնամ վահան՝ դեպ քեզ սուրացող,
Թույնով պարուրված ցանկացած նետի,
Եվ դարման կանեմ քեզ ալեկոծող,
Վերքերով լեցուն ամեն մի վշտիդ:
Հոգիս պարուրած զգացմունքները,
Ես կվերածեմ ամուր պատյանի,
Եվ կբարուրեմ թուլություններդ,
Որ մնաս ինձ հետ ու տաս երանի:
Առանց վարանել կզոհեմ կյանքս,
Միայն թե բուժեմ հոգուդ վերքերը,
Չէ՞ որ առանց քեզ զուր է բաղձանքս՝
Սուրալ քո սրտի անհաս խորքերը:
Հասկացիր՝ մարդ ես, կյանքը ունայն է,
Եթե թափուր է աթոռը հոգուդ,
Հիշիր, ապրելը մեռնելուց վատ է,
Եթե միշտ փակ է դուռը քո հոգու:
Եթե տակավին փորձես լքել ինձ,
Համբարձվես երկինք ու ճախրես հեռվում,
Ես աղոթք կանեմ. Տեր երկինք տար ինձ…
Որ հանգիստ ննջեմ քո սիրո մահճում:
Անանիա ՄԱՂԱՔՅԱՆ
