«Այժմ Եվրասիական տնտեսական միության մասին պայմանագիրը թույլ է տալիս անդամ պետությունների լիազորված անասնաբուժական մարմիններին միակողմանի կերպով պարտադրել սահմանել ժամանակավոր արգելքներ եւ սահմանափակումներ այն արտադրանքի վրա, որը չի համապատասխանում ԵՏՄ-ի պահանջներին»,- այս հայտարարությունն այսօր արել է Եվրասիական տնտեսական հանձնաժողովի սանիտարական, ֆիտոսանիտարական եւ անասնաբուժական միջոցառումների վարչության տնօրեն Օլեգ Արնաուտովը։
Եվրասիական տնտեսական հանձնաժողովի մամուլի հաղորդագրությունից տեղեկացնում են, որ Օլեգ Արնատուովը նաեւ ասել է, որ եթե Ռոսսելխոզնադզորն այդպիսի որոշում է կայացրել, դա չի նշանակում, որ այն տարածվելու ԵՏՄ մնացած պետությունների վրա. «Արգելքի նախաձեռնող մարմինն, այս դեպքում Ռոսսելխոզնադզորը, պետք է միայն տեղյակ պահի ԵՏՄ անդամ մնացած պետությունների լիազոր մարմիններին»։
Արնատուովն ընդգծել է, որ այդ լիազոր մարմիններն պետք է միջոցներ ձեռնարկեն, որպեսզի ԵՏՄ անդամ երկրներից մեկում արգելված արտադրանքը, իրենց տարածքով չանցնի այդ պետություն։ «Եվրասիական տնտեսական հանձնաժողովում կա փոխըմբռնում, որ մի երկրի կողմից սահմանված արգելքները ավտոմատ կերպով ազդում են մյուս անդամ պետությունների վրա»։
Դրա հետ կապված Եվրասիական տնտեսական հանձնաժողովը կարծում է, որ իմաստ ունի մշակել միջազգային պայմանագիր, որը թույլ կտա հանձնաժողովին եւ կողմերին, հաշվի առնելով ԵՏՄ անդամ բոլոր պետությունների հետաքրքրությունները, կարգավորել եւ որոշել այդպիսի սահմանափակումների ու արգելքների սահմանման կանոններ։
Կարդացեք նաև
Պատրաստեց Աշոտ ԻՍՐԱԵԼՅԱՆԸ
