Իրանը շահագործման է հանձնել նոր գազի կայան, որպեսզի մեծացնի բնական գազի արտահանումը հարեւան երկրներ: «Eadaily»-ի փոխանցմամբ՝ այդ դեպքում արտահանման ծավալը մեկ օրում կարող է հասնել մինչեւ 60 միլիոն խորանարդ մետրի:
Հաղորդվում է, որ նոր մեխանիզմը թույլ կտա Իրանին մեծացնել հարեւան երկրներ արտահանվող գազի ծավալը, այդ թվում՝ Թուրքիա, Հայաստան, Ադրբեջան եւ Նախիջեւան, ներկայիս օրական 24 միլիոնի փոխարեն դարձնելով 56 միլիոն խորանարդ մետր:
Իրանի գազի ոլորտի ներկայացուցիչ Յադոլախ Բաիբվերդիի կարծիքով՝ գազի արտահանում հյուսիս ու արեւմուտքում գտնվող հարեւաններին կծառայի որպես մեկնարկային կետ Եվրոպա էլ արտահանելու համար:
Պատրաստեց Աշոտ ԻՍՐԱԵԼՅԱՆԸ
