Քիչ առաջ ավարտվել է ՀՀԿ խմբակցության հանդիպումը Սահմանադրական բարեփոխումների մասնագիտական հանձնաժողովի հետ: Այսպիսի հանդիպումներ տեղի կունենան բոլոր այն խմբակցությունների հետ, որոնք ներկայացրել են առաջարկներ:
Ինչպես արդեն տեղեկացրել ենք, ՀՀԿ-ականները նախորդ շաբաթվա ընթացքում ներկայացրել են իրենց առաջարկությունները նոր Սահմանադրության հետ կապված, որոնք էլ այսօր քննարկվեցին:
Aravot.am-ը ՀՀ ԱԺ պետաիրավական մշտական հանձնաժողովի նախագահ Հովհաննես Սահակյանից հետաքրքրվեց` պատգամավորնե՞րը համոզեցին հանձնաժողովականներին, թե՞ հակառակը, պարոն Սահակյանը պատասխանեց. «Համոզել-չհամոզելու խնդիր չկար: Պիտի կարողանանք անել այնպես, որ բոլորի համար ընկալելի ու ավելի լավ նախագիծ դրվի ԱԺ-ում շրջանառության մեջ: Եվ քանի որ սահմանադրական բարեփոխումների նախագիծը սովորական օրենքի նախագծից տարբերվում է իր ընթացակարգով, հետևաբար այդ քննարկումները կարևոր են, որ մասնագիտական խմբի անդամը և նախագահի ներկայացուցիչը կարողանան ամբողջացնել այդ մոտեցումները ու ներկայացնել ՀՀ նախագահին, քննարկեն և իրենց համար ընկալելի տարբերակով ներկայացնեն ԱԺ լիագումար նիստում»:
Մեր հարցին` խնդրահարույց` կայուն մեծամասնության, երկրորդ փուլի հետ կապված դրույթների վերաբերյալ ի՞նչ եզրահանգման եկան, տեղեկություններ կան, որ երկրորդ փուլի հետ կապված հարցը կանոնակարգվելու է ընտրական օրենսգրքով, պարոն Սահակյանը` ի պատասխան հավաստիացրեց, թե անհանգստանալու կարիք չկա, քանի որ «Ամեն ինչ մեր պետության շահերից է բխելու»:
Կարդացեք նաև
Տաթև ՀԱՐՈՒԹՅՈՒՆՅԱՆ
