Թուրքիայում արտահերթ խորհրդարանական ընտրությունների անցկացումը թուրքագետ Մուշեղ Խուդավերդյանի համոզմամբ՝ սպասելի էին։ «Հենց սկզբից էլ ակնհայտ էր, որ այդ երկրի ներքին և արտաքին քաղաքական լարված իրավիճակը տեղավորվում է գերտերությունների միջև առկա պայքարի համատեքստում։ Թուրքիայում տեղի ունեցող քրդական բախումները, Միլի մեջլիսում առկա անհամաձայնությունները հանգեցրին այս ընտրությունների անցկացմանը։ Բացի այդ, Էրդողանին չհաջողվեց արևմտյան գերտերությունների հետ շտկել հարաբերությունները»։
Սակայն, ըստ թուրքագետի, քրդական բախումները մեզ համար որևէ վտանգ չեն ներկայացնում։ «Սա մի հակամարտություն է, որտեղ քիչ է ներգրավված հայկական կողմը և որևէ զարգացում Հայաստանի վրա չի կարող ազդել։ Հիմա մեր երկիրը վարում է այնպիսի քաղաքականություն, որ հնարավորինս զերծ մնա այդպիսի միջադեպերից և այդ մարտադաշտը չտեղափոխվի այստեղ։ Մեզ համար այժմ ամենաշահավետ տարբերակը չեզոքություն պահպանելն է»։
Նյութն ամբողջությամբ՝ սկզբնաղբյուր կայքում
