Այսօր Հանրային ծառայությունները կարգավորող հանձնաժողովը «ՎԱՐԱՆՑՈՎ ՀԷԿ»-ին լիցենզիա տրամադրեց Վայոց ձորի մարզի Մարտիրոս համայնքի վարչական տարածքում` Զառիթափ գետի Մարտիրոս վտակի վրա աշխատելու եւ հոսանք արտադրելու: Լիցենզիան կգործի մինչեւ 2030 թվականը: Այս մասին տեղեկանում ենք հանձնաժողովի նիստի օրակարգից: «ՎԱՐԱՆՑՈՎ ՀԷԿ» ՍՊԸ-ի «Վարանցով» փոքր հիդրոէլեկտրակայանից առաքվող էլեկտրական էներգիայի սակագինը հանձնաժողովը սահմանել 23.631 դրամ/կՎտժ` առանց ավելացված արժեքի հարկի եւ 28.357 դրամ/կՎտժ` ներառյալ ավելացված արժեքի հարկը:
Հանձնաժողովն այսօր «ԼՈՐԱԳԵՏ ՀԷԿ» ընկերությանն էլ թույլատրեց «Սիսական» փոքր հիդրոէլեկտրակայանում էլեկտրական էներգիայի արտադրության լիցենզիայում փոփոխություն անել: «ԼՈՐԱԳԵՏ ՀԷԿ»-ն ունի արտադրության լիցենզիա եւ հայտով դիմել է հանձնաժողով, որպեսզի ստանա վերակառուցման լիցենզիա:
«ԱՔՍԱՏԻ» ՍՊԸ-ն էլ ՀԷԿ-ն արդեն կառուցել է եւ ներկայումս մտել է արտադրության փուլ, ուստի հանձնաժողովից թույլտվություն է ստացել լիցենզիայում փոփոխություն անելու:
«ԱՔՍԱՏԻ» ընկերության «Արեւիս-1» փոքր հիդրոէլեկտրակայանից առաքվող էլեկտրական էներգիայի սակագինը սահմանել 23.631 դրամ/կՎտժ` առանց ավելացված արժեքի հարկի եւ 28.357 դրամ/կՎտժ` ներառյալ ավելացված արժեքի հարկը:
Կարդացեք նաև
Հանձնաժողովի նիստի օրակարգում էր նաեւ «ՅՈՒՔՈՄ» ընկերության հայտի քննարկումը, որով թույլատրվեց 2016 թվականի հունվարի 1-ից մինչեւ 2018 թվականի օգոստոսի 6-ը Հայաստանի Հանրապետության տարածքում զբաղեցնել հանրային շարժական կապի ցանցի 44 տարածաշրջանային կոդը (NDC) եւ նշված կոդով ամբողջական XXXXXX համարային շարքը։
Լուսինե ԲՈՒԴԱՂՅԱՆ
