Բաքվի ծանր հանցագործների դատարանում այսօր տեղի է ունեցել «Ազատություն» ռադիոկայանի ադրբեջանական ծառայության լրագրող Խադիջա Իսմայիլովայի գործով հերթական դատական նիստը:
Trend.az-ի տեղեկացմամբ՝ սկզբում Իսմայիլովայի պաշտպանները միջնորդություն են ներկայացրել քննությունը վերսկսելու վերաբերյալ: Դատախազ Ռամզան Գադիեւը նշել է, որ դատավարությունը ճիշտ է ընթացել եւ լրագրողի նկատմամբ առաջադրված բոլոր մեղադրանքներն ապացուցվել են:
Նա նաեւ ասել է, ոչ չկա հիմք քննություն վերսկսելու համար: Դատախազը դատարանից խնդրել է պաշտպանական կողմի միջնորդությունը չբավարարել: Դատարանը չի բավարարել միջնորդությունը:
Այնուհետեւ պաշտպանական կողմի ներկայացուցիչները ելույթ են ունեցել եւ խնդրել են արդարացնել Իսմայիլովային: Իր հերթին դատախազը նշել է, որ փաստաբանների ելույթը չի արտացոլում իրականությունը:
Կարդացեք նաև
Դրանից հետո Խադիջա Իսմայիլովան դատավորից ժամանակ է խնդրել վերջին խոսքը նախապատրաստելու համար: Դատավորը ընդմիջում է հայտարարել եւ հաջորդ դատական նիստը նշանակել օգոստոսի 31-ին:
Պատրաստեց Աշոտ ԻՍՐԱԵԼՅԱՆԸ
