«Մեղադրանքը չընդունելու պայմաններում Հայկ Կյուրեղյանը պետք է պարտադիր մասնակցեր դատական նիստին»,- լրագրողների հետ զրույցում ասաց հանրային պաշտպան Անժելա Հոբոսյանը:
Հիշեցնենք՝ Հայկ Կյուրեղյանը հրաժարվել էր հանրային պաշտպանից:
Անդրադառնալով մեղադրող Հարություն Սարգսյանը միջնորդությանը՝ Հայկ Կյուրեղյանին մեղավոր ճանաչել եւ դատապարտել 14 տարի ազատազրկմանն՝ Անժելա Հոբոսյանն ասաց. «Հիմնավոր չէր, որովհետեւ հենց թեկուզ մենակ այն տուժողների ցուցմունքները, որոնք պետք է հաստատվեին փորձագիտական եզրակացությամբ, նկարահանմամբ, որոնք որ կատարվել են: Ինչը որ ես տեսա, բոլորովին չէր համընկնում, ձայնը չկար, երբ մենք տեսանկարահանումը տեսանք, իսկ այն, որ բոլորն էր վնասվածք ստացել, այդպիսի հանգամանք չկար»:
Հիշեցնենք՝ Հայկ Կյուրեղյանին մեղադրանք է առաջադրվել այն բանի համար, որ նա 2014 թ. հունիսի 12-ին, գտնվելով նույն դատարանի առջեւի հասարակական վայր համարվող հատվածում, բողոքի ակցիա իրականացնող քաղաքացիների շարքում, կոպիտ կերպով խախտել է հասարակական կարգը՝ որպես զենք օգտագործվող առարկայով` իր մոտ պահվող «Մակարով» տեսակի օդամղիչ ատրճանակով կրակոցներ արձակել:
Կարդացեք նաև
Ամի ՉԻՉԱԿՅԱՆ
