ՕԵԿ խմբակցության պատգամավոր Հովհաննես Մարգարյանը փաստարկեց, որ ՕԵԿ-ի ներկայացրած առանցքային 5 պահանջներից ոչ մեկը հաշվի չեն առել:
– Հաշվի առնելով, որ այդպիսի փաստաթուղթ է ներկայացվել, ու չեն ընդունվել ՕԵԿ-ի առանցքային առաջարկները, ընդունելո՞ւ եք Սերժ Սարգսյանի հետ հանդիպման հրավերը:
– Այս պահի դրությամբ մենք ոչ մի հրավեր չունենք, բայց եթե լինի էլ, բնականաբար, մեր առաջարկները քանի որ չեն ընդունվել այս նախագծում, գնանք հանդիպման, որ ի՞նչ անենք:
– Եթե դեմ եք այս փոփոխություններին, ենթադրվում է, որ կպայքարեք դրա դեմ, կմիանաք «ոչ»-ի միասնական ճակատին, որը ՀԱԿ-ն է նախաձեռնել:
Կարդացեք նաև
– Ինձ թվում է՝ սկսվում է նոր փուլ, երբ վերջնական տեքստը կհրապարակվի, կլինի վերջնական որոշում մեր առաջարկների հետ կապված, մենք մեր պայքարի ռազմավարության եւ մարտավարության մասին անպայման կհայտնենք, մենք, իհարկե, պայքարելու ենք, ձեռքներս ծալած չենք նստելու, որպեսզի ունենանք մի այնպիսի սահմանադրություն (եթե ցանկություն կա փոխել մեր սահմանադրությունը, որպեսզի վերացնենք մենիշխանությունը), որում իրականում կամրագրվեն այնպիսի նորմեր, որ վերջ կդնեն քաղաքական մենիշխանությանը, եւ իրականում խորհրդարանին կօժտենք բարձր լիազորություններով։
Լուսինե ՇԱՀՎԵՐԴՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
