Ինչպես արդեն տեղեկացրել ենք ՀՀ Վերաքննիչ քրեական դատարանում (նախագահող դատավոր Կարինե Ղազարյան) տեղի ունեցավ ԱԺ ՀԱԿ խմբակցության պատգամավոր Արամ Մանուկյանի առողջությանը դիտավորությամբ թեթեւ մարմնական վնաս պատճառելու մեջ մեղադրվող Արշակ Սվազյանի վերաքննիչ բողոքի լսումը։
Դատաքննության ավարտից հետո դատարանը գնաց խորհրդակցական սենյակ դատական ակտ կայացնելու: Քիչ անց դատարանը, վերադառնալով խորհրդակցական սենյակից, հրապարակեց մերժման որոշում՝ ուժի մեջ թողնելով Արաբկիր Քանաքեռ եւ Զեյթուն վարչական շրջանների ընդհանուր իրավասության դատարանի որոշումը:
Aravot.am-ը Արշակ Սվազյանի ներկայացուցիչ Լիանա Բալյանից հետաքրքրվեց՝ կրկին բողոքարկելու՞ են, նա պատասխանեց, թե դեռ ոչինչ չի կարող ասել մինչև չհամաձայնեցնի իր վստահորդի հետ:
Հիշեցնենք, որ Արշակ Սվազյանը մեղավոր է ճանաչվել քրեական օրենսգրքի 117 հոդվածով եւ դատապարտվել կալանքի մեկ ամիս ժամկետով: Պատիժը դատարանի որոշմամբ, Սվազյանը պետք է կրի քրեակատարողական հիմնարկում:
Կարդացեք նաև
Տաթև ՀԱՐՈՒԹՅՈՒՆՅԱՆ
