«Ռոսսելխոզնադզորը»` Ռուսաստանի Անասնաբուժական և ֆիտոսանիտարական վերահսկման դաշնային ծառայությունը, նամակներ է պատրաստում, որոնք հղելու է Բելառուսին, Ղազախստանին ու Հայաստանին` նորվեգական ձկնեղենի ներմուծման սահմանափակման պահանջով:
ՏԱՍՍ-ը հայտնում է, որ այդ կերպ «Ռոսսելխոզնադզորը» փորձում է հասնել նրան, որ Եվրասիական տնտեսական միությունում արգելվի նորվեգական ձկնեղենի ներմուծումը:
«Ռոսսելխոզնադզորի» այս քայլը տեղի է ունենում նորվեգական ընկերությունների հետ Ռուսաստանի տարաձայնությունների ֆոնին. նախօրեին հայտնի էր դարձել, որ Նորվեգիան «Ռոսսելխոզնադզորի»` իր ձկնային ընկերություններում ստուգումներ անցկացնելու պահանջը մերժել է:
Աղբյուրը նշում է, որ նորվեգական ձկնեղենը Ռուսաստանում Արևմուտքի նկատմամբ հակընդդեմ պատժամիջոցների տակ հայտնված մթերքների շարքում է, և Մոսկվան այսկերպ փորձում է սահմանափակել դրա մուտքը Եվրասիական տնտեսական միության երկրների միջոցով:
Կարդացեք նաև
Մանրամասներին կարող եք ծանոթանալ Tert.am-ի կայքում
