Իջեւանի բնակիչները մեզ դժգոհել են, որ քաղաքի կենտրոնական` Շատրվանների հրապարակի հարեւանությամբ գտնվող, Աբովյան 10 հասցեում գտնվող բնակարանի արտաքին տեսքը հարիր չէ մարզկենտրոնին: Այդ բնակարանը պատկանում է ՀՀ նախագահի վերահսկողական ծառայության ղեկավար Հովհաննես Հովսեփյանի հորը:
Իջեւանցիներն ասացին, որ Հովհաննես Հովսեփյանը Հայաստանում շատ բնակարաններ ունի, սակայն իր հոր բնակարանի պատուհանները չի նորոգում, ապակիները տարիներ շարունակ ջարդված են: Հարեւանններն ասացին, որ այդ տանը 20-25 տարի ոչ ոք չի բնակվում: Հարցրինք՝ բնակարանը չե՞ն վաճառում կամ վարձով բնակության տալիս:
«Նրանք դրա կարիքը չունեն»՝ ասացին հարեւանները:
Շուրջ մեկ տարի առաջ գրավոր հարցումով դիմել ենք ՀՀ Նախագահի վերահսկողական ծառայության ղեկավար Հ.Հովսեփյանին, հարցնելով, թե ինչո՞ւ չեն նորոգվում իր հորը պատկանող բնակարանի պատուհանները: Ստացել ենք հետեւյալ պատասխանը. «Ի պատասխան Ձեր գրության, հայտնում եմ, որ Իջևան քաղաքի Աբովյան 10 հասցեում գտնվող 3 սենյականոց բնակարանը պատկանել է Հովհաննես Հովսեփյանի հորը՝ Աշոտ Հովսեփյանին, որը ժառանգաբար փոխանցվել է մորը՝ Օֆելյա Աշուղյանին: Ինչ վերաբերում է բնակարանի արտաքին ոչ պատշաճ տեսքին, ապա այն նորմալ վիճակում է՝ հաշվի առնելով չբնակեցվելու հանգամանքը»:
Կարդացեք նաև
Ոսկան ՍԱՐԳՍՅԱՆ
